PERSONAL na pinangunahan ni Second District board member Anthony Joseph Torres ang pamimigay ng pulse oximeters, thermometers, at face shields mula sa pamahalaang panlalawigan ng Pampanga sa pamumuno nina Governor Dennis “Delta” Pineda, Vice Governor Lilia “Nanay” Pineda, at Sangguniang Bayan ng Guagua, at tuloy-tuloy ito sa buong probinsiya.
Ayon kay Pineda, ang mga face shield at thermometer ay ipamimigay sa mahihirap na senior citizens at mga kabaleng may sakit, habang maiiwan ang mga oximeter sa barangay health workers (BHW) na titingin araw-araw sa oxygen level at pulso ng mga indigent na senior citizens. (RAUL SUSCANO)
