Thursday , May 15 2025

CoVid-19 vaccine ng Sinovac, bawal sa health workers at senior citizens

HINDI puwedeng iturok ang bakuna kontra CoVid-19 na gawa ng Sinovac sa health workers at senior citizens kahit ginawaran ito ng emergency use authorization (EUA), ayon sa Food and Drug Administration (FDA).

“The vaccines shall be administered only by vaccination providers, and used only to prevent CoVid-19 in clinically health individuals aged 18-59 years,” sabi ni FDA chief ERic Domingo.

Lumalabas sa interim data ng Phase 3 trials ng Sinovac CoVid-19 vaccine na nasa 65.3% (Indonesia)  hanggang 91.2% (Turkey) ang efficacy rate nito sa “clinically healthy” individuals na nasa edad 18-59 anyos.

Hindi rekomendado na gamitin sa health workers dahil mas mababa aniya ang efficacy rate nito na nasa 50.4% lang at hindi angkop sa mga exposed sa CoVid-19.

Ani Domingo, hindi “marketing authorization” o “certificate of product registration” ang EUA kaya ipinagbabawal na ipagbili ito sa publiko at tanging sa DOH, NTF, atbp., partners ito maaaring ibenta sa ngayon.

Nauna rito’y nangako ng 600,000 doses ng Sinovac vaccines ang Beijing sa Filipinas at 100,000 ang mapupunta sa mga militar.

Inihayag ni Presidential Spokesman Harry Roque na hindi lumagda ang Filipinas ng indemnification deal para matanggap ang 600,000 doses ng Sinovac vaccines mula sa Chinese government.

Tiniyak ni Roque, may indemnity fund ang pamahalaan at kung sakaling magkaroon ng side effects ay walang pananagutan sa panig ng claimant.

Hindi aniya hihintayin ng gobyerno na maipasa sa Kongreso ang batas na bubuo ng indemnity fund bago simulan ang vaccination drive gamit ang Sinovac vaccines.

Idinepensa ni Roque ang bakuna ng Sinovac na “hindi low quality” at pasok pa rin aniya sa threshold na itinakda mismo ng World Health Organization (WHO).

(ROSE NOVENARIO)

 

About Rose Novenario

Check Also

Alan Peter Cayetano

Oras ng pagboto, trabaho ng mga guro, kailangan ng agarang reporma — Cayetano

HINIKAYAT ni Senador Alan Peter Cayetano ang gobyerno nitong Lunes na magsagawa ng mga reporma …

Marikina Comelec

Kahit nanguna sa bilangan
MARCY TABLADO SA COMELEC
May DQ ka pa – en banc

TINABLA ng Commission on Elections (Comelec) en Banc ang proklamasyon ni Marcelino “Marcy” Teodoro bilang …

Comelec Pasig

Kasama ang 92-anyos kapatid at tumangging dumaan sa priority lane
101-ANYOS BOTANTE SA PASIG UMAKYAT SA 3/F PARA IBOTO MGA KANDIDATONG SINUSUPORTAHAN

KABILANG ang isang 101-anyos senior citizen sa mga pinakamaagang nagtungo sa San Miguel Elementary School, …

Comelec QC Quezon City

3 botante sa QC hinimatay sa matinding init

INIULAT ng Quezon City Disaster Risk Reduction Management Office (QCDRRMO) na tatlong babaeng botante ang …

Comelec Vote Election Hot Heat

Sa Pangasinan
Buntis na nagle-labor bumoto, senior citizen dedbol sa init

SA KABILA ng mga hudyat ng pagle-labor, nagawang bumoto muna ng isang buntis sa lalawigan …

Leave a Reply

Your email address will not be published. Required fields are marked *