Obrero kulong sa P272K droga

SHOOT sa kulungan ang isang 52-anyos construction worker matapos makuhaan ng P272,000 halaga ng shabu sa isinagawang buy bust operation ng pulisya sa Caloocan city, kahapon ng madaling araw.

Ayon kay Caloocan City Police chief. Col. Samuel Mina, Jr., nakatanggp ng impormasyon ang mga operatiba ng Station Drug Enforcement Unit (SDEU) mula sa isang regular confidential informant hinggil sa illegal drug activities ni Orlando Domalaon, residente sa Sto. Niño Area D, Camarin, Brgy. 178.

Matapos ang isang linggong validation, dakong 1:00 am nakompirmang tama ang impormasyon kaya’t agad nagsagawa ang mga operatiba ng SDEU sa pangunguna ni P/Maj. Deo Cabildo ng buy bust operation sa Pili St., Brgy.178.

Kaagad dinamba ng mga operatiba ang suspek matapos bentahan ng isang medium plastic sachet ng shabu ang isang police poseur buyer kapalit ng P6,500 marked money.

Nakompiska sa suspek ang nasa 40 gramo ng hinihinalang shabu na tinatayang nasa P272,000 ang halaga at buy bust money na binubuo ng isang P500 bill at 6 pirasong P1,000 fake/boodle money.

(ROMMEL SALES)