HATAW! D'yaryo ng Bayan hatawtabloid.com
SA guesting ni Sofia Andres sa Youtube channel ni Erich Gonzales kamakailan, tinanong ng huli ang una, kung napapag-usapan na ba nila ng boyfriend niyang si Daniel Miranda, na isang car racer ang kasal since may baby na sila, si Zoe Natalia na isang taong gulang na.
Sabi ni Sofia,”Napag-usapan namin iyan but we’re both young so we don’t want to rush things. Ito ‘yung laging sinasabi ng mga tao na ‘Why don’t you want to rush things, eh, may anak na kayo? What are you talking about?’ Sabi ko, well, ‘yun na nga, it’s (pregnancy)unplanned.
“But I think this time it’s better for us to plan things para hindi kami nawawala sa path na gusto namin.”
Ayon pa kay Sofia, naniniwala siya na ang pagpapakasal ay isang bagay na tanging sila lang ni Daniel ang makapagdedesisyon kung kailan mangyayari.
Magpapakasal sila kasi gusto nila pareho at mahal nila ang isa’t isa.
“We don’t want to leave each other. We don’t want to ruin the relationship. We want to last forever,” aniya pa.
Aminado si Sofia na kahit ang kanyang mga magulang ay gusto nang magpakasal sila ni Daniel.
“For my parents, kasi siyempre anak nila, babae ako, gusto nila ikasal ako. Kasi iba ‘yung ‘pag magulang ka. Sabi ko sa kanila, ‘I think we’re gonna get there.’ Hindi naman pwedeng ako ‘yung magtatanong, ‘di ba? Sabi nila, ‘Sige, anak, kung saan ka masaya, then we’ll be happy.’”
Ipinagdarasal naman ng mahusay na aktres na mauwi sa pagpapakasal ang five-year relationship nila ni Daniel.
“I am really praying to God kasi may anak kami, eh. Iba rin kasi ‘yung complete family.”
Maipagmamalaki naman ni Sofia na hindi seloso si Daniel.
“Ako ‘yung talagang selosa. Siya ‘yung ‘how’s work? How’s everything?’ Ganoon lang.”
Sa pagiging selosa ni Sofia,umabot sa puntong tsinitsek niya ang cellphone ni Daniel. Na ayon kay Erich, nabisto nga ni Sofia na may nagti-text na artista kay Daniel.
Hindi pinangalanan ni Erich kung sino ‘yun. In fairness, gwapo naman kasi si Daniel. Kaya hindi kataka-takang maraming nagkakagusto sa kanya.
Si Sofia naman ay maganda at flawless pa kaya hindi na rin kailangang matukso pa sa iba si Daniel.
MA at PA
ni Rommel Placente
