Bugaw, ibinebenta ang mga kilalang artista online

MATINDI ang raket na nangyayari ngayon sa internet. May isang pimp na ginagamit ang mga picture at pati pangalan ng mga artistang lalaki, lalo na ang mga starlet pa lamang para maloko ang mga mayayamang bakla na ang mga iyon ay ”kaya niyang mai-deliver para maka-date nila kung magbabayad sila sa kanya.”

Tapos hihingi siya ng downpayment na ipambabayad niya sa isang cash card, para naman daw matiyak na totoo nga ang client at hindi nanloloko lang. Oras na matanggap na niya ang downpayment, iba-block na niya ang pobreng baklang nagbayad sa kanya.

Iyong mga artista naman, walang kamalay-malay na ginagamit ang kanilang mga pangalan at picture sa raket na iyan ng isang bugaw sa internet. Totoo naman daw na may naibubugaw pero hindi ang mga artistang ginagamit niya ang picture at pangalan. Kung minsan kawawa ang mga artista dahil natsitsimis pa sila nang hindi naman nila nalalalaman. (Ed de Leon)