HATAW! D'yaryo ng Bayan hatawtabloid.com
NAKASISIGURO nang isa sa malakas na contender for Best Actress sa Metro Manila Film Festival 2020 Awards Nights ang aktres na si Sylvia Sanchez dahil sa mahusay nitong pagganap bilang asawa ni Jinggoy Estrada sa pelikulang Coming Home.
Isang mapagmahal na asawa, maasikasong ina, martyr, at mapagpatawad na handang gawin ang lahat mabuo lang ang nasirang pamilya.
Saksi ang inyong lingkod sa superb performance ni Sylvia na ibang-ibang ang atake sa mga mother role na kanyang nagawa na. Kung ilang beses tumulo ang aming luha at nadala sa mga eksena nito.
Kaya naman malakas ang laban nito sa pagka-best actress along with Nora Aunor na maganda rin ang performance sa Isa Pang Bahaghari.
Pero ayon kay Sylvia, hindi siya umaasang mananalo dahil isang Nora Aunor ang makakalaban niya na talaga namang mahusay at idolo pa niya.
If ever namang mananalo siya, bonus na lang ‘yun dahil ang mahalaga ay nagustuhan ng mga tao ang pelikula nila.
Makakasama ni Sylvia sa Coming Home bukod kay Jinggoy, sina Edgar Allan Guzman, Martin Del Rosario, Shaira Dizoan, Vin Anrenica, Julian Estrada, Beauty Queen Ariela Arida atbp. Hatid ng Maverick Films and ALV Films. Directed by Adolf Alix Jr..
Kaya kung hanap ay pampamilyang pelikula, manood na ng Coming Home sa Dec. 25, sa UPSTREAM.ph, ang online platform ng MMFF 2020.
MATABIL
ni John Fontanilla
