HATAW! D'yaryo ng Bayan hatawtabloid.com
KINOMPIRMA ng Palasyo na sinertipikahan ni Pangulong Rodrigo Duterte bilang urgent bill ang panukalang batas na nagpapalawig sa 2020 General Appropriations Act (GAA) at Bayanihan to Recover as One Act (Bayanihan 2).
Nakasaad sa House Bill 8063 na palalawigin ang Bayanihan 2 hanggang 30 Hunyo 2021 imbes magwakas sa 19 Disyembre 2020 upang matiyak na magagamit ang inilaang pondo ng pamahalaan para makabangon ang bansa sa mula sa pananalasa ng pandemyang CoVid-19.
Habang sa House Bill 6656, ang pagpapalawig sa 2020 GAA hanggang 31 Disyembre 2020.
Layunin ng panukalang batas na patuloy na maisulong ang economic stimulus effort ng Filipinas.
Ipinadala ni Pangulong Duterte ang liham kay Speaker Lord Alan Velasco sa pamamagitan ni Executive Secretary Salvador Medialdea. (ROSE NOVENARIO)
