Dating matinee idol, mukha ng luoy

MUKHANG tumaba, wala sa ayos ang hitsura, medyo tumanda na rin ang dating ng dating sikat na sikat at poging-poging matinee idol noong araw. Makalipas lamang ang mahigit na isang taon, nalaos siyang bigla at ngayon nakagugulat na ganoon na nga ang hitsura niya. Mukha nang luoy.

Siguro dahil marami ngang problema dahil wala na siyang career. Bukod doon, nagumon kasi siya sa paglalasing, bukod pa nga sa ibang nakasisirang bisyo. Bukod pa roon iyong sobrang pagpupuyat, at saka iyong pakikisalamuha niya sa mga bading. Eh kasi mukhang mga bading na lang ang pinagkukunan niya ng kabuhayan niya sa ngayon eh.

Nakahihinayang lang ang mga taong ganyan, na nagkaroon na ng lahat ng pagkakataon ay sinayang pa dahil sa kung ano-ano lamang bisyo. (Ed de Leon)