HATAW! D'yaryo ng Bayan hatawtabloid.com
NANG magpaalam ang radio show nina Ogie Diaz at MJ Felife sa DZMM na OMJ ay ikinatuwa ito ni DDS Banat By.
Sabi niya sa kanyang Twitter account, “Ay mabuti nga nabawasan na ang fake news sa radio.”
Nang mabasa ni Ogie ang post na ito ni Banat By, sinagot niya ito.
Sabi ni Ogie, “Kung fake news kami, ano si Mocha, gospel truth? Kaloka ka mars.”
Si Mocha na binanggit ni Ogie ay si Mocha Uson. Alaga kasi ito ni Banat By, siya ang manager ng dalaga.
Bukod kina Ogie at MJ, binanatan din ni Banat By ang member ng grupong Hashtags na si Niko Natividad. Lugar na maawa rito, dahil na-scam ito ng P4-M nang sumali sa isang networking ay tinawag pa niya itong tanga.
Sabi niya, “Kaya may scammer ay dahil may tangang tulad ni Niko Natividad.
Gaya ni Ogie, sinagot din ni Niko si Banat By. Sabi nito, “Walang scammer kung walang tangang katulad ko. Parang sinabi mo walang magnanakaw sa Philhealth kung walang naghuhulog dun buwan-buwan.”
MA at PA
ni Rommel Placente
