Bading serye ni Tony Labrusca, ‘di kinagat ng netizens

HINDI natapos. Tinapos ang ginawang bading serye ni Tony Labrusca. Tinapos dahil ibig sabihin kaunti nga siguro ang nanonood kahit na sa internet lamang iyon. Kasi sa internet, kung mababa ang bilang ng audience mo, hindi ka kikita. Sayang lang. Gastos lang kung itutuloy mo pa.

Pero siyempre, hindi nila masisi si Labrusca. Ang sinisisi nila iyong partner niya dahil “walang chemistry,” sabi nila. Pero unfair naman iyon sa kanyang partner. Siguro nga baguhan iyon, actually ngayon lang namin narinig ang pangalan niyon. Pero hindi naman siya dapat sisihin kung hindi nag-click ang kanilang ginawang bading serye. Siguro napakarami na lang bading serye at nasulasok din maski bading.

HATAWAN
ni Ed de Leon