Tagasubaybay ni Coco, nagbunyi

PARA-PARAAN lang talaga ang buhay-showbiz. Kailangan gumawa ng paraan kapag may problemang napapasukan. Sino ang makapagsasabing ang inakala ng iba na hindi na mapapanood ang FPJ’s Ang Probinsyano dahil dinurog-durog ang kontratang makapag-renew ng 70 kongresista ay mapapanood pa rin pala.

Opo, napapanood pa rin ang action-serye ni Coco Martin! At ito ay sa pamamagitan ng Youtube at Facebook. Sa totoo lang, mas pinadali pa nila ngayon ang panonood ng mga palabas sa ABS-CBN. Kaya naman maraming tagasubaybay ng action-serye ni Coco ang pumalakpak sa hakbang na ito ng Kapamilya Network.

Nangako naman si Coco na tatapusin niya ang nasimulang teleserye.

SHOWBIG
ni Vir Gonzales