John may hugot — ‘Pag wala ka na palang pera at ‘di na sikat, isa-isa nang lumalayo ang mga kaibigan, kamag-anak

NAIKUWENTO ng may karamdamang actor na si John Regala ang nararamdamang kalungkutan. Nasabi ni John na kapag pala hindi ka na sikat at wala ng pera, isa-isang lumalayo ang mga kaibigan, kakilala, at maging mga kamag-anak.

Wala nang kumukuha sa kanya para makasama sa anumang proyekto kaya naman naigupo siya ng kalungkutan at kahirapan.

Totoo ang sinasabing ito ni John. May kakilala kaming booker ng movie sa showbiz noon na sikat na sikat sa Escolta. Nang biglang malaos, naghirap at nawalan ng pera. Pero rati kung magpainom siya ng mga kalalakihang kaibigan sikat na sikat siya. Boss pa nga ang laging tawag sa kanya.

Subalit noong maghirap, nawala na ang mga kaibigan.

Ganyan talaga ang buhay.

SHOWBIG
ni Vir Gonzales