Pokwang, kinompirma na ang pag-alis sa ABS-CBN

MAY mensahe si Pokwang sa kanyang Instagram account para sa mga ilang empleado ng ABS- CBN 2.

Sabi niya, “Para sa mga kaibigan kong camera man, makeup artists, utility, security guard, drivers, janitors, event marshals, #IbalikAngABSCBN, sila talaga ang pinakakinakaawaan ko. Please sa mga mangbabatas po kahit para sa kanila nalang po.  Sila na tunay na dapat lingunin nyo. #VoteYesforABSCBN”

Pero sa sagot niya sa isang netizen ay tila kinompirma na nga niya ang pag-alis sa Dos.

Sinabi kasi ni @misspendon, “mukat mukat makikita mo si Pokwang nasa kabilang istasyon na.” Na sinagot naman ni Pokwang ng, “yes totoo naman yan kasi last year pa ako nagpapaalam wala pang pandemic at bearing sa prangkisa, yes matagal na akong nagpaalam pero di ako pinayagan, alam ng mga boss yan! hindi ba pwede sumuporta muna bago umalis? may mga kaibigan akong maiiwan teh!”

MA at PA
ni Rommel Placente