Sharon, maraming sama ng loob

NGAYON, lumabas na rin ang sama ng loob at totoong damdamin ni Sharon Cuneta. Talagang masama ang kanyang loob dahil sinasabi nga niyang sobra na ang ginagawang pambabatikos sa kanyang asawa. Pinipigil na nga  niya ang sarili na kumibo bilang pakikisama, pero dumating na roon sa punto na hindi na niya kaya, lalo na’t pati ang kanyang anak ay kasali na sa usapan.

Lumabas na rin ang sama niya ng loob nang “kumbinsihin” umano ang kanyang kapatid na tumakbong mayor ng Pasay, tapos nalaman nilang inendoso rin pala ng presidente ang kalaban ng kanyang kapatid, na nagkaroon pa ng malaking pagkakautang dahil wala naman umano silang nakuhang tulong mula sa partido.

Marami ng sama ng loob si Sharon, na mabuti naman nailalabas na niya.

HATAWAN
ni Ed de Leon