Daniel, sekyu ng inang si Karla

POSIBLE raw ikasal na si Karla Estrada sa kanyang syotang si Jam Ignacio.

Ayon kay Daniel, iba ma-in love ang kanyang ina na malaki ang value ng kasal.

Nakita na niya si Jam pero hindi naman ito nangangahulugan na tanggap na niyang makarelasyon ng ina. ‘Ika nga, under observation pa siya sa pagkatao ng syota ng ina.

Aniya, bilang panganay sa magkakapatid ay naroon siya sa lahat ng relationship ng kanyang ina. In fairness, inamin nito na hindi lahat ng klase ng kaligayahan ay maibibigay sa kanyang ina.

Pero ayaw naman nitong maging kontrabida sa kaligayahan ng ina. Ayaw nitong sirain dahil may bagay siyang hindi maibibigay sa ina.

“Ayaw kong maging kontrabida. Pero at the same time, on the look lang ako, I’m just hovering.

“I’ve heard… marami na akong narinig, marami na rin akong nakita at lahat ng pinakamasasaya, lahat ng pinakamalungkot, nakita ko na sa ermat ko, eh.

“Masaya lang ako kay Mama ngayon dahil, yeah, she’s very happy and I think, yeah, she’s in love… that’s good.”

Aniya, pag-ibig ang bumabaliw sa kanyang ina pero ibang level ‘yung sa kanyang ermat na umaming namana niya. “Sa kanya ko naman namana, nababaliw kapag in-love.”

Ayon sa kanya, ang kanyang ina ang tumayong nanay at tatay sa kanila kaya ang hirap ikompara sa isang lalaki.

“Siguro kailangan niya ng mas tamed na lalaki. Kasi masyadong mataas ermats ko, eh. Masyado siyang mataas.Hindi niya puwedeng sabayan kasi hindi niya kakayanin, eh. Para balanced lang silang dalawa.

“Nakikita ko naman kay Jam na ganoon naman siya and sa ngayon, nakikita ko naman nagri-reach out siya. Kasi last time, noong birthday ni Mama, tulog na lahat, nandoon kami sa bahay ko, dumaan siya roon, saglit siya.

“Malaking bagay ‘yun bilang lalaki dahil siyempre, ipinakikita mo ‘yung totoo, pero I’m not saying ayos na. Ha-ha-ha! pahayag na may kaunting biro. Kaya palaging on the look out ang aktor kaya siya raw ang number one security ng ermat nito,” mahabang esplika ni Daniel.

STARNEWS UPLOAD
ni Alex Datu