HATAW! D'yaryo ng Bayan hatawtabloid.com
PUWEDENG sabihing a ‘star is born’ sa katauhan ni Herlene Budol na mas kilala sa tawag na Hipon Girl sa programa ni Willie Revillame, ang Wowowin dahil may ibubuga pala ito sa pag-arte.
Sa kanya ipinagkaloob ang isang mahalagang papel sa Magpakailanman bilang OFW na umibig sa kanyang Egytian boss na may pamagat na Dubai & I.
Ang balita, hindi nagpadehado sa Maalala Mo Kaya ni Julia Barretto si Hipon Girl.
Nang malaman ni Hipon girl na makakatapat niya si Julia sa MMK ay sobra itong na-intimidate. Pero hindi iyon naging dahilan para magpatalo siya sa acting. Nakipag-agawan ito sa rating na ang ibig sabihin, puwede na siyang ilaban kay Julia.
Base sa lumabas na rating noong November 30 mula AGB Nutam, nakakuha ang Magpakailanman ng 10.9% samantalang 8.1% naman ang MMK ni Julia.
Base naman sa Kantar Media, nakakuha ang Magpakailaman ng 17. 5% at ang MMK ay 16.7%.
STARNEWS UPLOAD
ni Alex Datu
