HATAW! D'yaryo ng Bayan hatawtabloid.com
MAGANDA ang ABS-CBN’s Christmas Station ID na may temang “Family is Forever.” Ayon sa obserbasyon ng nakararami, ‘muy grandioso’ ang pagkagawa lalo pa’t lahat ng mga bituin ng Kapamilya ay naroon.
Kaya lang, may mga netizen ang nakapansin na wala as in, ‘missing’ si Angel Locsin na isa pa naman sa network’s biggest stars na bida sa katatapos lamang na The General’s Daughter.
Agad namang nag-post sa Instagram ang Dreamscape AdProm Manager Eric John Salut para sagutin ang katanungan ng isang netizen na nagtanong kung bakit wala ang aktres.
Ayon kay Salut, “May fever po siya noong day ng shoot.”
Hindi lang naman si Angel ang wala sa nasabing station ID, pati ang ibang cast tulad nina Paulo Avelino, Loisa Andalio and Ronnie Alonte ay wala rin.
Wala rin si Jed Madela na ayon sa kanya, hindi siya napagsabihan ukol sa schedule ng shooting. Sobrang ikinagulat niya na natapos ang shooting na wala man lang pasabi sa kanya gayung narito lang siya sa ‘Pinas.
Wala rin si Anne Curtis na ang itinuturong dahilan ay ang pagbubuntis.
STARNEWS UPLOAD
ni Alex Datu
