HATAW! D'yaryo ng Bayan hatawtabloid.com
MUNTIK na palang magkasuntukan sina Vhong Navarro at Billy Crawford sa show nilang It’s Showtime.
Mismong si Billy ang umaming muntik na silang magkasuntukan ni Vhong noon dahil sa tampuhan.
Mabuti na lamang pumagitna sina Anne Curtis at Karylle na nakabawas ng tensiyon.
“May mga instances na si Anne at saka si Karylle umuupo sa gitna namin dahil hindi talaga kami puwede magtabi kasi either magsusuntukan kami or as in mag-aaway kami. Awkward na talaga, eh,” ani Billy.
Ayon naman kay Vhong, inamin nitong nagalit siya kay Billy dahil sa immediate cancellation nito sa kanilang Hong Kong travel na every year nilang ginagawa.
“May trip kami ng mga Kuya kasama si Billy. Tapos parang lately ‘di na siya nakakasama. Siyempre, close ko siya, eh. Kumbaga, parang ‘yung moment namin na ‘yon every year, ‘yun na lang ‘yung parang labas naming.”
Fortunately, sa parte naman ni Billy with humility, inamin nito na kasalan niya dahil naka-oo na siya pero last minute niyang nasabi kay Vhong na hindi siya makaaalis.
“Walang hesitation, as in nag-shut down talaga si Vhong. As in ‘di ako kinausap. Kahit nasa ‘Showtime’ kami. As in!”
Inamin din ni Vhong na nagalit talaga siya kay Billy at naging dahilan iyon kung bakit dalawang araw na hindi kinausap si Billy.
STARNEWS UPLOAD
ni Alex Datu
