HATAW! D'yaryo ng Bayan hatawtabloid.com
WALANG kaabog-abog at hindi natin naramdaman na maglilimang taon na ang itinaktakbo ng action serye ni Coco Martin, ang FPJ’s Ang Probinsyano. Paano naman kasi very updated ang takbo ng kuwento ng serye na isa sa mga direktor ay ang aktor mismo.
“Tatak Kapamilya!” Ang one-liner nga ni Coco.
“‘Yan ang patunay na number 1 ang ABS-CBN hindi kagaya ng iba riyan na self-proclaimed na number 1 sila pero hindi naman totoo. Iba kasi gumawa ng teleserye ang Dos, pinagpaplanuhan, pinag-iisipan, pinaghahandaan, may kabuluhan, may aral sa bawat kuwento. Mga de-kalidad,” patuloy ng aktor.
“Siyempre, pangmasa! At saka, napapanahon ang mga pangyayaring ipinakikita nila. Unlike sa GMA puro kaekekan,” sambit naman sa amin ng isang kaibigan.
Sinabi pa nitong malaking tulong ang pagre-revive ng palabas ni FPJ na hindi lamang entertaining kundi isa ring family-oriented na panoorin.
Maliban sa mga regular na gumaganap, kaabang-abang ang kanilang mga guest na magagaling pang umarte. Kaya, naman hindi napigilan ang pag-ariba ng aming kausap kung paano wawakasan ang ganitong klaseng panoorin na hindi OA sa drama at kung may love angle man ay hindi pilit.
Isa pa, hindi halo-halo ang pagpasok at paglabas ng mga panauhin sa eksena dahil may kanya-kanya silang tamang oras kung kailan lalabas at kung kailan papatayin ang mga karakter.
STARNEWS UPLOAD
ni Alex Datu
