Jeric, nanginig sa mga sensual scene nila ni Sheryl

MAPANGAHAS si Sheryl Cruz sa bago niyang serye na Magkaagaw.

“If I’m going to do something might as well be recognized for it or kahit paano man lang, mag-level-up man lang ‘yung ginawa ko.”

Huling napanood si Sheryl noong 2017 sa isang madramang serye, ang Impostora.

At ngayong 2019 ay unang beses na mapapanoood si Sheryl sa isang mapangahas na papel, bilang isang cougar na may karelasyong mas batang lalaki, si Jeric Gonzales.

Bilang sina Veron at Jio ay may mga daring lovescenes sina Sheryl at Jeric sa Magkaagaw.

Isa rin ito sa ikinatakot ni Sheryl, noong umpisa.

“‘Yung intimate scenes, but then come to think of it, huwag na tayong magpaka-ipokrita, tayong lahat, ‘di ba?

“It’s part of human nature to be sensual, to be sexual.

“‘Di ba, iyon ‘yun, eh!

“And at my age, come on now, ‘di ba?  There are people who do it, outside of work, not even for work, ‘di ba? Willingly!

“Aggressively and passionately!”

At uso naman ngayon ang May-December affair sa TV at pelikula, at nangyayari naman talaga ito sa tunay na buhay.

“Hindi dahil siguro sa uso, kundi kahit paano it’s an acting challenge and at the same time, magkaagaw, ‘di ba?

“Kumbaga it’s a first time for me to portray a role outside of my comfort zone.

“Kaya nga ‘di ba sinasabi ko sa inyo na it’s a challenge na I have to take and try to show people by doing it or expressing it sa viewers natin na nagawa ko with flying colors.”

Matindi rin ang kissing scenes nila ni Jeric.

“Nag-level up din talaga siya pero one thing naman that I learned  with  kissing scenes since the time I started  doing kissing scenes with sila director Joel Lamangan, it’s just an open-mouth lang talaga, I don’t really do tongue, alam mo ‘yung ibig kong sabihin?

“Iba na ang may tongue, ‘di ba? Pero thank you na pati kayo you think it’s hot, ‘di ba,” at tumawa si Sheryl.

Kumusta kaeksena si Jeric sa mga delicate scene nila?

“Actually in the beginning talagang sobrang ninenerbiyos siya, nakikita ko talaga, nakikita ko nanginginig!

“Pero after niyong aming [sensuality] workshop, kahit paano nagkaroon na siya ng confidence plus ‘yung times kasi ‘pag sasabihin niya, ‘Kinakabahan ako ang kaeksena ko si Ms. She’, ayokong ma-feel niya na siya lang ‘yung kinakabahan.

“That’s why I’m very open about it I still do get stage frights at this kind of  level.

“Na kahit sabihin n’yo nang accomplished, marami ng accolades, recognitions, nominations, it’s still different when you’re  actually acting with a younger  and more, up-and-coming star, ‘di ba?

“But for me naman, ang nakai-impress naman ‘yung alam kong nag-e-effort siya to learn.”

Napapanood ang serye sa GMA Afternoon Prime at bukod kina Sheryl at Jeric ay kasama rin sina Sunshine Dizon, Klea Pineda, Polo Ravales, Dion Ignacio, Dennis Padilla, Lovely Abella, Isay Alvarez, Patricia Tumulak, at Joanna Marie Tan. Idinirehe ito ni Gil Tejada, Jr..

RATED R
ni Rommel Gonzales