Sampalan, murahan sa TV show ni Mystica

TAMA ang sinabi ng mga nakapanood ng Real Talk With Mystica noong October 8, Tuesday sa EuroTV Phils dahil kung nag-abot ang mga guest sa show, tiyak magiging viral dahil may sampalan, sabunutan, at tadyakan.

Walang pamana ang prorama noon ni Tsang Amy Perez sa TV5 ganoon din sa programa noon ng namayapang Ate Luds aka Inday Badiday sa Kapamilya dahil sa pagpokpok ni Divina Valencia ng mikropono sa ulo ni Rey dela Cruz na manager noon ng mga bold star.

Kung nangyari ang nasabing ‘awayan’ sa TV show ni Mystica, tiyak mauungusan ang nangungunang programang Raffy Tulfo In Action na mapapanood at maririnig sa Veritas Radio. Kaya, Tulfo paala-ala lang ito na baka bukas o makalawa ay kilometro na ang layo ng Real Talk With Mystica sa programa mo.

Ano ba ang napapaloob sa TV show ni Mystica?

Usapang totoong tao, totoong istorya , at totoong pangyayari sa buhay ng bawat tao na nangangailangan ng kalutasan. Kaya dahil totoong pangyayari, asahang totoong mainit na palitan ng salita at away ang makikita, murahan at siraan ng pagkatao, yurakan at tapakan.

Kaya abangan, dahil kaabang-abang ang bawat episode ng Real Talk With Mystica tuwing Martes, 8:00 p.m. na mapapanood live sa YouTube at Facebook.

STARNEWS UPLOAD
ni Alex Datu