‘Drug Queen’ sa Maynila pinalulutang ni Yorme Isko (Recycler ng nakokompiskang droga)

NANAWAGAN si Mani­la Mayor Francisco “Isko Moreno” Domagoso sa dating barangay chair­woman ng Sampaloc na si Guia Gomez Castro na lumutang upang mag­paliwanag kaugnay sa akusasyon na siya ang tinaguriang ‘drug queen’ sa Maynila.

Ginawa ng alkalde ang panawagan matapos pangalanan ni NCPRO chief, P/MGen. Guillermo Eleazar ang tinaguriang ‘drug queen’ na umano’y taga Maynila.

Nakiusap din ang alkalde sa pamilya ni Castro na  palutangin ang kaanak upang makapag­paliwanag.

Kasabay nito, nana­wagan ang alkalde sa lahat ng barangay officials sa Maynila na huwag magpapasangkot sa ilegal na droga at huwag ma­ging protektor.

Pinaghahanap si Cas­tro ng PNP matapos malaman na nagre-recycle ng mga nahuhuling droga ng mga miyembro ng Philippine National Police (PNP) na tinaguriang ‘Ninja cops.’