HATAW! D'yaryo ng Bayan hatawtabloid.com
AABOT sa P170,000 halaga ng ilegal na droga ang nakompiska sa walong suspek na nahuli sa isang bahay sa Maynila nitong Miyerkoles.
Sa bisa ng search warrant, hinalughog ng mga tauhan ng Philippine Drug Enforcement Agency at Manila Police District ang isang bahay sa Geronimo St., Sampaloc district, na sinabing ginagamit bilang drug den.
Naaresto ang pitong lalaki at isang babae na umano’y notoryus sa paggamit at pagbebenta ng droga sa lugar.
Target ng search warrant ng operatiba si Annalea Pateo Sumali alyas Salva, 44 anyos.
Naaresto rin ang kanyang mga kasabwat na sina Eduardo Rosete, 59; Ronnie Clemente, 35; Alexander Alvario, 40; Ricky Morales, 27; Nikko Rosario,30; at Julio Perez, 31.
Mahaharap sa kasong paglabag sa Comprehensive Dangerous Drugs Act of 2002 ang mga suspek.
