Nadine Lustre, ‘di type makapareha si Daniel

PAGKATAPOS isalang si Kathryn Bernardo sa Tonight With Boy Abunda, isinunod si Nadine Lustre na may kinalaman sa promotion ng kanyang pelikulang Indak. Very obvious na promo iyon ng kanyang pelikula na katambal si Sam Concepcion dahil gamit na gamit ang titulo ng movie.

Pinag-usapan ang magiging next leading man ni Nadine na ayon kay Boy Abunda, kapag hindi tipo ng aktres ang pangalang mababanggit ay bibigkasin ang salitang ‘tadyak’ at kung gusto naman nito ang aktor ay sasagot ito ng ‘indak.’

Unang nabanggit ang pangalang Enrique Gil at ‘Indak’ agad ang isinagot ni Nadine dahil maliban sa isa itong mananayaw ay kaibingan niya. Pagdating kay Joshua Garcia, ‘tadyak’ ang isinagot niya dahil mas bata raw ito sa kanya.

Biglang nabago ang flow ng usapan nang nabanggit ang pangalan ni Gerald Anderson dahil hindi agad nakasagot ang aktres. Halatang pinipigil nito ang sasabihin pero mas gusto nito ang tumahimik. ‘Ika nga, no talk, no mistake bagkus nakiusap na lang ito kay Boy, “Basta Tito Boy!” ang tangi nitong nasabi na naintindihan naman ng King of Talk kaya hindi niya ito pinilit.

‘Indak’ naman ang naging sagot ni Nadine nang nabanggit ang pangalang Coco Martin at Piolo Pascual dahil mga nice guys daw ang mga ito, “Why not!” ang sambit nito.

Ang panghuling pangalang nabanggit ay Daniel Padilla na ‘tadyak’ ang isinagot.

Aniya, tulad ng nasabi ni Kathryn, nirerespeto niya ito para hindi magkagulo ang fans. ”I respect what she said, parang gulo ‘yan eh. I respect her.”

STARNEWS UPLOAD
ni Alex Datu