HATAW! D'yaryo ng Bayan hatawtabloid.com
MALIBAN sa ‘saliva scene’ ni Anne Curtis sa Just A Stranger, pinag-usapan din ang behind ni Marco Gumabao.
“Ang puti-puti, flawless, at matambok na katulad ng kanyang abs. Maniwala ka ba na pangalawa ko na itong pinanood at panonoorin ko pa uli. Haaaay!” sambit ng transgender na kausap namin.
Kaya naman, malaking pagpapasalamat ni Marco sa lahat ng tumangkilik ng pelikula dahil katuparan iyon ng kanyang birthday wish noong August 14, 2019 na ngayon ay isa nang certified blockbuster.
Nadagdagan pa ang kasiyahan ng actor dahil pinupuri ang kanyang performance sa Just A Stranger na malaking karangalan sa kanya dahil ngayon pa lamang siya nagbida sa pelikula.
Ani Marco, nag-workshop sila ni Direk Jason Paul Laxamana ng one-on-one at para sa kanya pinaka-nahirapan siya sa eksenang nag-breakdown si Anne. Ito ‘yung nag-aaway sila. Ang matindi pa, siya mismo ang nag-suggest na gusto niyang magkaroon ng butt scene.
“Honestly, ako ang nag-suggest. Siyempre, down the road, ito naman ‘yung path o pagiging hunk actor na tinatahak ko na landas. So, in the future, magpapakita rin ako ng butt, whether I like it or not.”
Para pa sa kanya, ito ‘yung best project dahil ito ‘yung launching movie niya bilang leading man at kasama pa si Anne Curtis. “So for me, kawalan ko if hindi ko pa rito ibibigay, ang lahat na kailangan sa movie.”
STARNEWS UPLOAD
ni Alex Datu
