Marco, wala raw binatbat kay Anne

KAWAWA naman iyong si Marco Gumabao, dahil ang naririnig naming usapan, mukhang wala siyang binatbat sa kanyang pelikula. Siyempre sa mga inilalalabas na pra la la at inilalagay sa social media eh panay ang puri, pero nakatatawa kasi iyon mismong pumupuri sa kanya sa internet, sa mga usapan ay hindi maganda ang sinasabi.

May nagsasabi pang masyadong batang tingnan para maging cougar si Anne Curtis. Masyado namang matanda na para sa role ng isang boytoy si Marco. Sinasabi rin nila, mukha raw hindi kikita, pero ok lang iyon, iyan namang mga low budget kumita lang nang kaunti makababawi rin iyan. Sanay naman sila sa ganyan eh.

HATAWAN
ni Ed de Leon