Macadaeg buking ni Digong… Ex-UCPB president sabit sa anomalya

NABALING ang aten­siyon ng ilang kritiko at mambabatas kaugnay sa inihaing reklamo ni human rights lawyer Rico Domingo laban sa kabibitiw na presidente ng United Coconut Planters Bank (UCPB) na si Higinio Macadaeg Jr.

Nagsampa kama­kailan ng kasong graft and misconduct ang RC Brickwoods Corp., (RC) sa Office of the Om­buds­man laban kay Macadaeg at ilang opi­syal ng UCPB na pag-aari ng gobyerno dahil sa maanomalyang pagbili sa isang ‘disputed building’ na AM Flores building sa Makati City.

Napapabalita rin sa ilang malapit sa Pangulo na ang pagre-resign ni Macadaeg ay forced resig­nation dahil sa pagkaka­buking ng Pangulo sa maaanomalyang tran­saksiyon sa ilalim ng pamamahala ni Maca­daeg.

Si Macadaeg na nagsumite kamakailan ng resignation sa Pangu­lo sa pamamagitan ng sulat kamay ay napa­balita na pumabor sa isang kaibi­gan sa pagbe­benta ng foreclosed properties na ipinag­babawal ng sali­gang batas.

Dahil dito, nais ni Domingo gayondin ng ilang mambabatas na mabusisi at maimbes­tigahan si Macadaeg sa lalong madaling pana­hon upang mapatawan ng parusa kung mapa­patunayang lumabag at nagkasala.