National Dengue Alert, idineklara ng DOH

NAGDEKLARA ang Department of Health (DOH) ngayong Lunes, 15 Hulyo, ng National Dengue Alert sa bansa dahil sa mabilis na pag­taas na kaso ng naka­mama­tay na sakit sa ilang rehiyon.

Ito na ang kauna-unahang pagkakataon na itinaas ang naturang alerto sa bansa.

Ang dengue ay pina­ka­mabilis na kumakalat na infectious disease sa buong mundo.

Nakaaapekto ito sa daang-milyong indibi­duwal at nagiging dahilan ng pagkamatay ng nasa 20,000 katao, partikular sa mga bata kada taon.

Noong 2017, itinigil ng gobyerno ang pagbe­benta ng dengue vaccine na Dengvaxia at ang pag­gamit nito sa immu­nization drive sa bansa matapos isiwalat ng Sanofi, ang French maker nito, mas nakasasama ito para sa mga hindi pa nagkakaroon ng dengue.

Itinuturo rin ang Dengvaxia na umano’y naging sanhi ng kamata­yan ng ilang estu­dyan­teng nabakunahan nito.

Dahil sa isyu, buma­ba ang bilang ng mga nagpapabakuna sa bansa nang 40 percent noong nakaraang taon mula sa average 70 percent sa mga nakalipas na taon.