HATAW! D'yaryo ng Bayan hatawtabloid.com
NAGPADALA ng courtesy resignation si Agriculture Secretary Manny Piñol kay Pangulong Rodrigo Duterte, bilang pagpapahayag ng kahaandaang bumaba sa puwesto sakaling wala nang tiwala ang Pangulo sa kaniya.
Kinompirma ito ni senator-elect Christopher Go ngayong hapon, bago ang kaniyang oath taking sa Malacañang.
Sinabi ni Go, nagpadala ang kalihim ng liham kay Pangulong Duterte sa pamamagitan ng email.
Bagamat hindi gaanong idinetalye ni Go ang nilalaman ng liham, sinabi umano ni Piñol na kung wala nang tiwala ang Pangulo sa kaniyang serbisyo ay willing siyang bumaba sa puwesto.
Inirekomenda ni Piñol ang tatlong undersecretary ng DA upang pumalit sa kaniya sa pwesto.
Sinabi ni Go, posibleng may kinalaman ito sa naranasang problema sa suplay ng bigas noong nakaraang taon.
Sa kasalukuyan, hindi pa tinatanggap ng Pangulo ang resignation ni Piñol. (ROSE NOVENARIO)
