Pedicab driver huling sumisinghot ng shabu

KULONG ang isang pedicab driver matapos mahuli sa aktong nagsashabu sa loob ng aban­donadong palikuran sa Navotas City, kahapon ng umaga.

Kinilala ni Navotas Maritime Police Station P/Capt. Ferdinand Hermoso ang naarestong suspek na si Marlon Olazo, 30, ng Phase 2, Area 2, Dagat Dagatan St. Tabing Ilog NBBS.

Ayon kay Navotas Maritime Police investigator P/SSgt. Esmeraldo Absuela Jr., dakong 10:40 am,  nagpapatrolya sa NFPC compound ang mga security guard na si Mark Anthony Acuesa, 34, at Niko Milante, 29, nang makaamoy ng nasusunog na aluminum foil.

Nang tingnan ang pinang­galingan ng amoy, naaktohan ng dalawang guwar­diya ang suspek sa isang aban­do­nadong palikuran sa Bañera St., NFPC, NBBN na sumi­singhot ng shabu.

Nakompiska sa suspek ang isang nakabukas na plastic sachet at ilang drug para­phernalia.

(R. SALES)