Ex-Rebel soldier bagong hepe ng PhilHealth

ISANG dating rebeldeng militar ang napili ni Pa­ngulong Rodrigo Duterte upang mamuno sa Philhealth.

Kinompirma ni senator-elect Christopger “Bong” Go na aprobado ni Pangulong Duterte ang appointment ni retired Army General Ricardo Morales bilang acting president at chief exe­cutive officer ng Phil­health.

Pinalitan ni Morales si Dr. Roy Ferrer na pinag­sumite ng courtesy resig­nation ng Palasyo maging ang lahat ng board members ng Philhealth matapos mabunyag ang bilyon-bilyong ghost dialysis claims sa ahen­siya.

Si Morales, dating miyembro ng Reform the Armed Forces Movement (RAM) ay nauna nang itinalaga ni Duterte bilang member ng Metropolitan Waterworks and Sewe­rage System’s Board of Trustees noong naka­raang buwan para sa binakanteng puwesto ni Reynaldo Velasco na mag­tatapos ang termino sa 30 Hunyo.

Nang magretiro sa militar noong 2009 ay nagsilbi si Morales bilang opisyal ng Armed Forces and Police Mutual Benefit Association Inc.

(ROSE NOVENARIO)