Dibdib ng Pinay dinakma ng Chinese nat’l kulong

HINULI ang 26-anyos turistang Chinese national nang maaktohang naka­dakma sa malusog na dibdib ng isang babaeng nakasabay niya sa eleva­tor pababa sa isang hotel sa Pasay City nitong Lunes ng gabi.

Kinilala ang suspek na si Xin Yinbo, pansa­mantalang nanunuluyan sa Room 204 ng isang hotel na matatagpuan sa Roxas Boulevard ng naturang lungsod.

Sa reklamo ng biktima na itinago sa alyas Ste­pha­nie,  naganap ang insidente dakong 8:00 pm sa loob ng elevator ng hotel.

Kuwento ng biktima, lasing umano ang suspek na dayuhan na nakasabay niya pababa mula sa ika­lawang palapag ng hotel.

Gayon na lamang ang pagkabigla ng biktima nang walang kaabog-abog na dinakma ng suspek ang kanyang dibdib.

Tiyempong bumukas ang pinto ng elevator at dito humingi ng tulong sa security guard ang babae labans a suspek na naak­tohang nakadakma pa sa dibdib ng biktima.

Agad dinala sa him­pilan ng pulisya ang suspek at sinampahan ng reklamo.

Ayon sa suspek, ga­ling umano siya sa isang bar at umuwi sa hotel, muli siyang bumaba dahil may nakalimutan siyang bilhin at nakasabay niya ang babaeng biktima sa elevator.

Nahaharap sa kasong act of lasciviousness ang suspek na kasalukuyang nakakulong sa himpilan ng pulisya.

 (JAJA GARCIA)