Isko at Erap nagharap na (Peace and order hiniling kay Lim)

PERSONAL na nagharap sina Manila outgoing Mayor Joseph Ejercito Estrada at Mayor–elect Francisco “Isko” Moreno Doma­goso matapos mag-courtesy visit ang huli sa tanggapan ng una sa Manila City Hall, sa Ermita, Maynila kahapon ng hapon.

Naging maayos ang pagha­harap ng dalawa na inorga­nisa ng kanilang “transistion team” simula pa noong 27 Mayo.

Sinabi ni Estrada, lahat ng departamento at opisina, mag­bibigay ng report tung­kol sa plantilla of personnel, inventory of property, records at iba pang doku­mento.

Kasabay nito, sinabi ni Estra­da, umaasa siya na ipag­pa­patuloy o hihigitan pa ni More­no ang mahaha­lagang pro­gra­ma ng kan­yang admi­nistrasyon tulad ng suporta sa mga ospital, kasama na ang dialysis center at 100% ser­bisyong medikal para sa lahat ng Manilenyo.

Gayondin ang suporta sa Pamantasan ng Maynila, lahat ng pampublikong paa­ralan sa elementarya at high school.

Bukod sa P500, birthday gift sa lahat ng senior citizen at P100,000 allowance para sa centenarians, allowance ng mga guro, at P2,500 sa mga pulis, maging ang patuloy na pagpa­pailaw sa mga kalsada.

Nagpasalamat si More­no kay Estrada sa mainit na pagtanggap sa kanya.

Tiniyak ni Moreno na ipagpa­patuloy niya ang mga ginawa ni Estrada na mapa­pakinabangan ng mga mamamayan ng Lungsod ng Maynila.

Nanawagan rin si More­no sa lahat ng emple­yado ng Lungsod na tulu­ngan siya sa pagbibigay ng serbisyo sa mga mamama­yan dahil hindi niya ito kakayanin mag-isa.

Nauna rito, nakipag­pulong muna si Moreno kay dating Manila Mayor Alfredo Lim.

Nalaman na personal na hini­ling ni Moreno kay Lim na tulungan siya sa pagpapa­natili ng peace and order sa Maynila.