Ai Ai, wa na keber sa Ex-B

BALE wala raw kay Aiai delas Alas kung sinasabi man ng mga rati niyang alaga, iyong mga miyembro ng grupong Ex Batallion na ikinatutuwa rin nila ang pagbibitiw ni Aiai bilang manager nila.

Aba, eh ano pa nga ba ang magagawa mo kung ikinatutuwa nila iyon? Nagkaroon sila ng discontent. Palagay ni Aiai matigas ang ulo ng grupo. Palagay naman ng grupo, hindi sila nadala ni Aiai sa tamang direksiyon para pasiglahin pa ang kanilang career.

Iyang nangyari sa kanila, normal na nangyayari iyan basta ang tumatayong manager ay artist din, o kaya kaanak ng isang artist. Natural kasi uunahin nila ang career nila kaysa career ng alaga nila.

HATAWAN
ni Ed de Leon