Duterte magic epektibo pa rin

NANINIWALA ang Palasyo na epektibo ang “Duterte magic” kaya mayorya sa administration bets ang nangunguna sa senatorial election.

Ayon kay Presidential Spokesman Salvador Panelo, kahit unofficial pa rin ang resulta ng halalan ay kitang-kita na ang “trend” tungo sa tagumpay ng mga manok ng ruling party.

Patunay aniya ito na tumugon ang mga botante sa panawagn ni Pangulong Rodrigo Duterte na suportahan ang kanyang mga inendosong kandidato upang makatulong sa pag-angat ng antas ng pamu­muhay ng mga mama­mayan.

Malinaw rin aniya na bina­lewala ng mga botante ang mga negatibong propaganda kontra sa Pangulo na isinulong ng oposisyon at mga kritiko ng administrasyon.

(ROSE NOVENARIO)