Sabi ng COA: Sandoval Foundation maraming violations

BATAY sa pagsusuri ng Commission on Audit (COA) noong 2012, kaliwa’t kanang pagla­bag sa mga reglamento ang naitala ng Pama­malakaya Foundation, Inc., na inendoso ni Malabon Rep. Ricky Sandoval para tumang­gap ng P20-milyong halaga ng cash-for-work project ng Department of Social Welfare and Development (DSWD).

Seryosong paglabag din na mismong asawa ni Ricky na si Vice Mayor Jeannie Sandoval ang isa sa mga nagtatag ng Pamamalakaya Foun­da­tion na inendoso ng mambabatas para tu­manggap ng P20 milyon mula sa kanyang pork barrel.

Lumitaw sa imbes­tigasyon noong 2012, wala itong permit to ope­rate mula sa pama­hala­ang lungsod ng Navo­tas kung saan ito nakabase.

Hindi rin kinompirma ng Pamamalakaya Foun­dation, Inc., ang mga transaksyon at hindi nag­sumite ng mga karag­dagang dokumento sa grupong nagsagawa ng special audit.

Wala rin ibang doku­mentong nagpatunay na naisagawa ang proyekto kundi payroll ng mga sina­sabing benepisaryo ng mga proyekto ng Pama­ma­lakaya at sa nasabing papel walang kompletong address na nakalagay at walang detalyadong accom­plishments report ng proyekto.

Lumabas din na ang kabuuan ng liquidation report na isinumite ay P21.395 milyon — sobra nang mahigit P1 milyon sa orihinal na P20-milyon pondong inilagak ni Ricky Sandoval.

Halos 3,000 sa mga benepisaryo ang dalawa hanggang apat na beses na umulit.

Sa 1,014 bene­pi­saryong kuwestiyonable, 117 lang ang sumagot sa COA. At sa 117, pina­bulaanan ng 103 sa kanila na may natang­gap sila mula sa cash-for-work program na idinaan sa Pamama­lakaya.

Hindi matagpuan ng COA ang 294 bene­pisaryo, na sinasabing tumanggap ng tig-P2,500, sa mga address na ibinigay nila.

Sa 5,583 bene­pisaryong sinuri ng COA, 2,715 lang ang rehistradong botante ng Navotas City, habang hindi siguardo ang COA kung totoo bang mga tao ang natitirang 2,868 na sinasabing nakinabang sa proyekto ng Pama­malakaya.