Sen Bam, last man standing sa Otso Diretso

TANGING si re­elec­tionist Sen. Bam Aquino ang oposisyon na naka­pasok sa Magic 12 ng bagong Pulse Asia survey.

Sa survey na ginawa ng Pulse Asia mula 1-14 Abril, si Sen. Bam ay nasa ika-10 hanggang ika-14 na puwesto.

Bahagyang guman­da ang posisyon ni Sen. Bam, na nasa pang-11 hanggang pang-16 na puwesto sa survey ng Pulse Asia noong naka­raang buwan.

Pasok din si Sen. Bam sa winners’ circle ng tatlong iba pang major pre-election polls, wala nang dalawang linggo bago ang halalan sa 13 Mayo.

Sa survey ng Publicus Asia na gina­wa mula 21-22 Abril 2019 na may­roong 2,000 regis­tered voters, si Sen. Bam ay tabla sa pang-lima hanggang 11 puwes­to.

Pasok din si Sen. Bam sa Magic 12 ng pre-election surveys na gina­wa ng Laylo at TNS. Si Sen. Bam ay pang-siyam hanggang pang-11 pu­wes­to sa Laylo at pang-pito hanggang pang-13 sa survey ng TNS.

Sa isang pahayag, nagpasalamat si Sen. Bam sa taong bayan, lalo sa volunteers, sa kanilang tiwala na nagsisilbi niyang inspirasyon sa kampanya.

Kapag nabigyan ng ikalawang termino, na­nga­ko si Sen. Bam na isusulong ang pagsa­sa­batas ng kanyang Traba­ho Center Bill.

Sa panukalang ito, lalagyan ng Trabaho Centers o job placement offices ang lahat ng pampublikong high schools at state uni­versities and colleges (SUCs) para makatulong sa pagresolba sa jobs mismatch at mataas na unemployment rate sa bansa.