Maja, pressure kung magda-Darna

ISA si Maja Salvador sa pinagpipilian para  gumanap na Darna kasama sina Nadine Lustre at Pia Wurtzbach base ito sa kanyang karisma at kakaibang pag-arte. Kung pag-uusapan naman ang action routine, pasadong-pasado rin ang aktres dahil sa husay sumayaw.

Matatandaang umatras si Liza Soberano sa pagiging Darna dahil nagkaroon ng bali sa daliri. Kaya naman, naghahanap ngayon ang ABS-CBN ng pampalit kay Liza. Ang tsika, gustuhin mang mag-Darna ni Maja, sobra siyang nape-pressure kung tatangapin niya.

Inamin nitong na-shock siya nang malamang marami ang may gustong mag-Darna siya. Mas pinili na lang tumahimik ni Maja sa isyu bilang respeto kay Liza.

Aniya, masakit kay Liza ang naging pag-atras dahil gustong-gusto nitong mag-Darna.

Sa ngayon, nagdadalawang-isip si Maja sakaling ialok.

“Ang pressure kasi. Ang laking pressure lalo na from Angel Locsin, na-announce na nila si Liza. Nakatutuwa lang na marami ang may gusto, pero ‘di ko kayang sagutin kung tatanggapin ko kasi ang hirap magsalita. Nandoon ako sa ang hirap sundan,” pahayag nito.

STARNEWS UPLOAD
ni Alex Datu