Ex-Mayor, security inireklamo vs pambubugbog

NAHAHARAP sa ka­song serious physical injuries ang isang dating alkalde at kanyang security dahil sa pam­bubugbog sa supporter ni Sto. Tomas, Pampanga Mayor John Sambo noong 27 Abril.

Batay sa police report ng Sto. Tomas Municipal Police Station dumating si dating Mayor Romeo “Ninong” Ronquillo kasa­ma ang security na si Jojit Pineda, 29 anyos,  dakong 10:30 am sa bahay ng biktimang si Reynaldo Galang, 54, tagasuporta ni incum­bent Sto. Tomas, Pam­panga Mayor John Sambo.

Laking gulat ni Ga­lang­ nang pagbukas ng pinto ay agad siyang kinuwelyohan ni Ron­quillo at hinila palabas ng kanilang bahay.

Dito pinagbubugbog nina Ronquillo at Pineda sa iba’t ibang bahagi ng katawan at kahit lugmok na si Galang, pinag­bantaan siyang papa­tayin.

Dinala ang biktima sa Jose Lingad Hos­pital upang gamutin.

Lumiliitaw sa pag­sisiyasat na may personal na alitan sina Galang at Ronquillo.