Arci, ‘di namimili ng hahalikan sa eksena — Kung kailangan naman, bakit hindi

SOMETHING different kung ilarawan ni Arci Munoz ang bagong handog ng Dreamscape Digital, Quantum Films, at Project 8 Corner San Joaquin Projects na mapapanood sa iWant, ang Jhon En Martian kasama sina Pepe Herrera at Rufa Mae Quinto.

Positibo naman si Direk Antonette Jadaone na magugustuhan ito ng millennials.

Aniya, “Kari ‘yung era ni Booba, ni Super B, ng ‘Meteor Garden,’ May ganoong nostalgia coming from that na sa ngayon naman sina Pepe at Arci naman na gaganap bilang Jhon en Martian, parang era ng millennials talaga ‘yan eh.

“Tapos ‘yung humor nga niya irreverent, hindi siya ‘yung humor na usual na nakikita natin sa TV o pelikula. Parang mas no holds barred kind of na may male kind of humor. Kaya kakaiba siya na palabas.”

Ang Jhon en Martian ay idinirehe ni Victor Villanueva, na siya ring director ng critically acclaimed film na Patay na si Hesus.

Kabilang naman sa cast sina Mon Confiado, Jojo Alejar, Aiko Climaco, Jelson Bay, Joel Saracho, Ge Villamil, Dolly De Leon, TJ Valderama, Emman Nimedez, Kedebon Colim, at GB Labrador.

Sa kabilang banda, hangang-hanga sa galing ni Pepe Herrera si Arci na hindi na kailangang mag-effort pa nito para umarte.

Aminado naman si Pepe na napaka-suwerte niya’t nakahalikan niya ang aktres. “I feel so lucky. I always practice the gratefulness to say thank you for my blessings,” sambit ni Pepe.

Isang Martian princess na si 223 ang ginagampanan ni Arci na iniwan ang planetang Mars para iwasang makasal sa lalaking hindi niya gusto. Mapapadpad siya sa Earth na walang alam tungkol sa pamumuhay ng mga nakatira. Isang masipag at mabait namang delivery guy si Jhon, na papayag na gawin ang huli niyang delivery request bago tuluyang lisanin ang bansa para magtrabaho sa Malaysia.

At nang magkita nga sina Arci at Pepe sa airport doon nagkaroon ng halikan ang dalawa. Ang paghahalikan nila’y kailangan dahil iyon ang paraan ng mga alien para mag-transmit ng mensahe.

Sinabi naman ni Arci na noong ipinitch sa kanya ang story ng Jhon En Martian, ipinaalam kaagad sa kanya ang ukol sa kissing scene.

“So sabi ko po, a ganoon ba, okey, size,” sagot ni Arci.

“I’m just happy and blessed, more than happy. At parang I didn’t remember what happened,” pabirong sagot ng aktor ukol sa kung paano niya pinaghandaan at ano ang naramdaman niya sa tagpong iyon. ”‘Yun po ang masarap kay Arci, very, hindi ko rin alam kung ano ang kaya pa niyang ibigay. Mahilig din po siyang mag-improve eh. So kaya minsan nadadala rin ako o nagugulat, ‘hala saan nanggaling iyon?’”

Paglilinaw pa ni Arci, never siyang nagkaroon ng hesitation sa kung sino ang kahalikan niya sa eksena. “Kung kailangan po talagang gawin, gagawin ko. Pero kung barubal lang o wala lang, gusto lang ipagawa, siyempre hindi. Ano naman po balanse eh kung ano ang hindi kailangan ng eksena, kung ano ang kailangan.”

Pagtatapat pa ni Pepe, malambot ang lips ni Arci.

SHOWBIZ KONEK
ni Maricris Valdez Nicasio