Kaye, na-miss si Lloydie

BALIK-SHOWBIZ si Kaye Abad at inamin nitong noong wala siya sa limelight ay na-miss si John Lloyd Cruz dahil naging close sila sa Tabing-Ilog days.

Inamin din nito na gusto niya ang personalidad ng aktor na kanyang first love at first boyfriend.

Aniya, simple lang ang buhay nila ng actor noon. Walang sasakyan kaya siya ang taga-sundo at taga-hatid ng aktor sa Laguna na roon noon nakatira bago umuwi sa Cavite.

Ayon kay Kaye, naramdaman niya noon na magiging mahusay na aktor si John Lloyd at alam nitong sisikat ito at iiwan siya dahil magkakaroon ito ng panibagong loveteam.

Pareho silang nakabase ngayon sa Cebu pero hindi pa rin sila nagkikita  kahit ‘di naman kalakihan ang siyudad.

Si Kaye ay taga-Cebu na naging asawa si Paul Jake Castillo, ex-housemate sa Pinoy Big Brother: Double Up (2009) at pinasok din ang showbiz.

Si Lloydie naman, taga-Cebu rin ang karelasyon, si Ellen Adarna at may tsikang magkaibigan din sina Paul Jake at Ellen. (ALEX DATU)