Isang Linggong Pag-ibig ni Imelda, pang-milenyal na

WELL attended ng press ang ginanap na contract signing ni L.A. Santos sa Star Music noong Martes, March 26 dahil sa pag-revive nito sa awiting pinasikat ni Imelda Papin, ang Isang Linggong Pag-ibig na ginanap sa Papa Kim’s Resto sa Quezon City.

Dumalo sina Roxy Liquigan at Jonathan Manalo ng Star Music na ayon sa una, first time nilang narinig ang millennial version na kinanta ni L.A. Kaya naman nasabi nilang kailangang i-release dahil mayroon itong malaking potensiyal na sumikat tulad ng Dahil Sa ‘Yo ni Inigo Pascual.

Sa interbyu ng Sentimentalist Songstress, nasabi nito na kapag gagawan niya ng revival ang Isang Linggong Pag-ibig ay kailangan na male version at aangkop sa panahon ngayon ng milenyal.

“Si L.A. talaga ang unang pumasok sa isip ko na sobra kong ikinatuwa dahil nalaman kong matagal na pala niya itong gusto. Gusto niya itong kinakanta at pangarap pang irekord,” lahad ni Imelda.

Inamin din nito na maraming lumapit sa kanya noon para i-revive ang kanta pero hindi siya pumayag. ”Hindi ko kasi nakita ang tamang kakanta hanggang dumating sa akin si L.A. Santos,” sambit pa ni Imelda.

STARNEWS UPLOAD
ni Alex Datu