16-anyos pinilahan 3 bagets kalaboso

ARESTADO ang tatlong suspek sa panggagahasa sa isang 16-anyos dala­gita na kanilang kainu­man sa Tondo, Maynila kahapon.

Kinilala ang mga sus­pek na sina  Angelito Gon­zales, 25,  at magka­patid na Prince, 20, at Paul  Diwa, 18,  pawang nakatira sa Melalcalde St., sa Tondo.

Ayon sa ina ng bikti­ma na itinago sa panga­lang Ann, latang-lata nang umuwi sa kanilang bahay ang anak nang magsumbong sa kanya kaugnay sa ginawa ng mga suspek.

Nauna rito, niyaya umano ng isa pang kaibigang lalaki  ang biktima na mag-inuman at nang magising, nakita na niyang nakapatong si Angelito sa kanya.

Pinipilit naman uma­sno ng biktima na pumiglas ngunit wala nang lakas ang katawan dahil sa hilo at panghi­hina.

Bago umano ginahasa ni Angelito ang biktima ay mayroon pang nau­nang gumawa nito ha­bang pinanonood naman ng magkapatid na Diwa.

Sinabi ni Supt. Reynaldo Magdaluyo, hepe ng MPD-PS 1 na posibleng hindi lang alak ang ipinainom sa biktima dahil kaunti aniya ang nainom pero agad nawa­lan ng malay.

Tatlo pang suspek ang pinaghahanap ng pulisya na kasamang nakai­nu­man at gumahasa sa bik­tima. Inalok ng kasal ni Angelito ang biktima at sinabing nagawa lamang ito dahil sa sobrang kalasingan ngunit hindi pumayag ang ina ng biktima at pursigidong kasuhan ang mga suspek.

Sasampahan ang tatlo ng kasong rape in relation to 7610 habang isasai­la­lim sa counselling ang bik­tima dahil sa trau­mang pinagdanaan nito.