Laborer patay, kapatas sugatan sa P.1-M holdap sa Naga City

PATAY ang isang isang construction worker sa­man­tala sugatan ang kapa­tas nang holdapin sa kanila ang P.1 milyong pangsahod sa Naga, Camarines Sur.

Kinilala ang namatay na si Aldrin Pida, 32, tubong Tigaon, Camarines Sur ha­bang sugatan si Gelito Cano­og, 57, foreman, ng Cebu City.

Sa panayam kay P/Maj. Joey Curre, hepe ng Naga City Police Station 4, sinabi nitong sakay ng motorsiklo ang mga biktima at papun­tang Deca Homes Sub­division dala ang P100,000 pangsuweldo nang hara­ngin ng dalawang naka­motorsiklong mga suspek at sila ay pinaputukan.

Parehong tinamaan ng bala ng baril ang dibdib ng mga biktima mula sa kalibre .45.

Napuruhan ang con­struction worker na agad niyang ikinamatay samantala nakaligtas ang foreman na kasalukuyang nagpapa­galing.

Sa inisyal na imbesti­gasyon, naniniwala ang pulisya na matagal nang minamanmanan ng mga suspek ang mga biktima dahil alam umano na may dalang malaking halaga ng pera.