Holdaper ng taxi driver tinutugis

PINAGHAHANAP na ngayon ng mga awtori­dad ang isang holdaper na nag- viral sa isang social media matapos makunan ng dashboard camera sa loob ng taxi ang ginawang panghoholdap sa taxi driver sa Caloocan City.

Sa kuha ng dashcam ng taxi na ipinapasada ng driver na si Wilmor Capel­lan, makikita ang isang lalaking pasahero na naka-jacket at sombrero.

Ayon kay Capellan, tinatahak niya ang kaha­baan ng Samson Road, Caloocan city nang magsabi ang lalaki na kanyang pasahero na baba kaya binuksan nito ang ilaw ng taxi.

Ngunit, biglang pinapatay ng suspek na sa puntong iyon ay may hawak na baril habang nakatutok sa driver sabay nagpahayag ng holdap kung hindi ay paputukan umano ang biktima.

Natangay ng holda­per sa biktima ang P21,000 cash, cellphone at relo bago mabilis na tuma­kas sa hindi matukoy na direksiyon.

Ayon sa pulisya, tukoy na nila ang holdaper at nakatakda na nila itong sampahan ng kaso.

 (ROMMEL SALES)