Para kay Miss Universe Catriona Gray… Kalsada sa Makati isasara

ISASARA ang ilang pa­ngunahing lansangan sa lungsod ng Makati bun­sod  ng  gaganaping  Grand Motorcade at Ticker Tape Parade kay Miss Universe 2018 Ca­trio­na Gray kaya asahan na makararanas ng mabi­gat na daloy ng trapiko ang ilang mga motorist at commuters ngayong araw ng Huwebes (21 Pebrero).

Kahapon sa traffic advisory ng Makati City government,  isasagawa ang parada  sa kahabaan ng Sen. Gil Puyat Avenue (mula Taft Avenue) at Ayala Avenue (mula Sen. Gil Puyat Avenue hang­gang EDSA)

Magsisimula ito da­kong 4:00 pm hanggang 5:00 pm.

Patungong Freedom Park, malapit sa Ayala Avenue at Sen. Gil Puyat Avenue intersections bago magtutungo  sa Central Business District at magtatapos sa Glorietta/EDSA.

Ayon sa tanggapan ng Makati Public Safety Department, ang lahat ng behikulo mula sa  east­bound ng  Sen. Gil Puyat Avenue ay apektado  hanggang Ayala Avenue.

Sa kaalaman ng mad­la, maaaring kuma­nan sa Washington St., kaliwa sa Dela Rosa St., daraan sa Pasong Tamo Avenue, kanan sa Amorsolo St., kaliwa sa VA Rufino St., at kanan sa Dela Rosa St., patungong Makati Ave­nue  at Mandaluyong City.

Sa intersections ay magkakaroon ng ”stop and go mode.”

Magtatalaga ng mga traffic enforcer para asis­tehan ang mga motorista at publiko na maaa­pektohan ng masikip na daloy ng trapiko.

(JAJA GARCIA)