Maria Ressa inaresto ng NBI

INARESTO si Rappler CEO and executive editor Maria Ressa kahapon sa kanilang opisina dahil sa kasong cyber libel.

Inihain ng mga ahente ng National Bureau of Investigation (NBI) ang arrest warrant na inisyu ni Judge Rainelda Estacio-Montesa ng Regional Trial Court Branch 46 sa May­nila. Ang kaso ay kina­sasangkutan ng lumabas na artikulo noong Mayo 2012, ilang buwan bago maipasa ang Anti-Cybercrime Law.

Sa nasabing artikulo sinabing nagpahiram ang negosyanteng si Wilfredo Keng ng sasak­yan kay dating Chief Justice Renato Corona. Itinanggi ito ni Keng sa nasabing istorya.

Sinabi ng Justice department, kung ang original publication ng artikulo ay hindi pa sakop ng bagong batas, hindi ito masasabi sa kanilang February 2014 update.

“Interesting,” paha­yag ni Ressa kaugnay ng inisyung arrest warrant laban sa kanya.

“I’m just shocked that the rule of law has been broken to a point that I can’t see it,” aniya sa panayam habang inila­labas sa opisina ng Rap­pler sa Pasig City.

Matapang na sinabi ng Rappler CEO na walang ‘legal case’ o ‘black propaganda’ na makapagpapatahimik  sa mga mamamahayag sa bansa.

“These legal acroba­tics show how far the government will go to silence journalists, inclu­ding the pettiness of forcing me to spend the night in jail,” dagdag niya.

Samantala, kinondena ng ilang kritiko at human rights advocates, ang pag-aresto kay Ressa.

Ayon sa National Union of Journalists of the Philippines (NUJP) ang pag-aresto kay Ressa ay ‘pang-uusig’ ng isang ‘bully government.’

“This government, led by a man who has proven averse to criticism and dissent, now proves it will go to ridiculous lengths to forcibly silence a critical media and stifle free expression and thought,” anang NUJP sa kanilang Kalatas.

“It is clear this is part of the administration’s obsession to shut Rappler down and intimidate the rest of the independent Philippine media into toeing the lines.”

Ipinahayag ng Am­nesty International na ang insidente ng pagdakip kay Ressa ay “brazenly politically motivated.”

“In a country where justice takes years to obtain, we see the charges against Maria Ressa railroaded, and the law being used to relentlessly intimidate and harass journalists for doing their jobs as truth-tellers,” saad ng AI sa kanilang pahayag.