HATAW! D'yaryo ng Bayan hatawtabloid.com
MAY sagot ang Filipino Taekwondo Olympian at former action movie icon, na ngayon ay Congressman ng Makati na si Monsour del Rosario tungkol sa opinyon ni Erik Matti tungkol sa nakalulungkot na kalagayan ng Filipino film industry.
May tatlo siyang punto: “Naaalala ko noon, siguro 18 years ago, nag-start na bumagsak ang film industry—una dahil na rin sa piracy. ‘Yung ilan sa ating mga kababayan, siyempre sa halip na manood sa sinehan, bibili na lang sila ng DVD sa mas murang halaga at paulit-ulit pa nilang mapapanood. Kaya hindimo rin sila masisi.
Pangalawa—mataas talaga ang taxes na binabayaran ng producers. So imagine mo, mag-invest ka sa isang pelikula tapos ‘di ka rin sure if maghi-hit. So bumabagsak ang kalidad ng mga pelikula. Dati uso pa ‘yung action films pero ngayon wala nang gustong mag-produce paano kasi mahal. Mahal ang magpasabog, magpasara ng kalsada, mahal ang bala at mahal din magbayad ng mga stuntman, kaya nawala na rin ang mga action film. Kaya ngayon halos pare-parehas na lang ang palabas, puro love-story, drama, comedy. Wala nang variation. ‘Di mo masisi ang mga tao if maghanap sila ng kakaiba.
Dagdag pa niya. “Pangatlo, halos na-monopolize na ng malls ang pagpapalabas ng mga sine. Rati may maliliit na independent movie houses. Halimbawa, rito sa isang sinehan puro mga drama, rito naman sa isa, puro mga aksiyon o komedya.”
Sinabi pa niya na maraming mga artista ang masyadong mataas magpresyo.
Ito naman ang kanyang advice: “Kailangan talagang gumawa ng paraan para solusyonan ang mga problema na ito. Bilang mambabatas siyempre may mga priority tayo, unang-una para sa ating mga nasasakupan, pero tinitingnan din natin kung anong pwede nating maitulong para ibalik ang sigla ng local film industry.”
Kasalukuyang tumatakbo bilang Vice Mayor ng Makati ang dating action movie icon na abala sa mga tungkulin sa kanyang lokal na distrito.
(Rodel Fernando)
