HATAW! D'yaryo ng Bayan hatawtabloid.com
AS expected, nagkita sa Amerika sina Arjo Atayde at Maine Mendoza base na rin sa ipinost na litrato ng aktor sa kanyang IG story bandang 12 noon ng Linggo (US) at 2:00 a.m. naman ng madaling araw ng Lunes sa Pilipinas.
Ang ganda ng tawa ni Maine sa litrato habang may hawak na tinidor with salad sa kanang kamay at may red wine naman sa harap nito na tiyak na si Arjo ang kaharap.
Ang caption ng aktor sa larawan ni Maine ay, “SAVE THE BEST STOP FOR LAST.”
Gusto naming isiping sa New York USA sila nagkita at sabay nang babalik ng Pilipinas.
Mukhang hindi na tutuloy ang dalawa sa Iceland tulad ng haka-haka ng lahat para personal na makita ang Northern Lights o Aurora Borealis in Iceland dahil wala naman silang makikita dahil lumilitaw lang ito mid- April hanggang mid-August.
At ang pagkakaalam din namin ay maraming commitment si Arjo this week dahil bukod sa tapings niya ng The General’s Daughter, may pa-presscon sa kanya ang Dreamscape Digital para sa digital TV series na Bagman na ipalalabas na sa Marso.
Anyway, tinanong namin ang mama ni Arjo na si Sylvia Sanchez kung saan nagkita at kung sabay nang uuwi ng Pilipinas ang dalawa, pero deadma ang aktres.
FACT SHEET
ni Reggee Bonoan
