Jen at Dennis, aktibo sa kanilang online business

NGAYONG taon, level-up na ang magkarelasyong Dennis Trillo at Jennylyn Mercado. Magkasosyo sila sa isang online, isang cookie business. Ang aktres mismo ang guma­gawa, katulong ang actor sa pag­be­ben­ta online. Sa susunod na buwan, magbubukas na sila ng store para sa kanilang business.

Ayon kay Jen, isa sa kanyang bucket lists ngayong taon ang magkaroon  sila ng store kahit isang open kitchen lang.

Ka­ya marami na ang nagsasa­bing naghahanda na ang dalawa para sa nalalapit nilang pagpapa­kasal.

Saman­tala, kapwa busy ang dalawa sa kani-kanilang showbiz career. Si Dennis ay mayroong Cain at Abel kasama si Dingdong Dantes sa GMA-7 at si Jennylyn naman abala sa taping ng bagong teleserye sa Kapuso Network, ang Luv U 2 katambal ni Gabby Concepcion kasama ang nag-ober da bakod na Kapamilya actress na si Kiray Celis.

Bukod dito, may dalawang bagong movie na ginagawa si Jen. Isa rito, ang Heart of Mine kasama niya sina Richard Gutierrez at JM de Guzman under Star Cinema.

Bukod dito, sasali rin sa marathon si Jen sa Berlin, Germany sa Setyembre. Matatandaang active si Jen bilang isang triathlete. Mahilig siyang magsasali sa iba’t ibang sports competitions sa ating bansa. (Joe Cesar)